ആത്മാവില്‍ മുട്ടി വിളിച്ചതുപോലൊരു സ്നേഹം

ഒടുവില്‍ ഹൃദയത്തില്‍  മധുരിതമായ ഒരു മുറിവ് സമ്മാനിച്ചു 

വേദനകളുടെ സായഹ്ന്നങ്ങളില്‍ ഞങ്ങള്‍ അപരിചിതരെ പോലെ 

ഓര്‍മ്മകളെ  താലോലിച്ചു ..

ഒരാള്‍ മറ്റേയാളുടെ ഓര്‍മ്മകളില്‍ കടന്നു ചെല്ലുന്നത് അറിയാതെ 

എന്തിനായിരുന്നു എന്നോ എപ്പോഴായിരുന്നു എന്നോ അറിയില്ല 

ഒരിക്കല്‍ പിഞ്ഞി നുറുങ്ങിപ്പോയ ഒരു ഹൃദയം 

ഉണങ്ങാത്ത മുറിവുകളും ആയി 

ഉയിര്‍ത്തെഴുനേററു 

വേദനയുടെ നെരിപ്പോടു അവയെ ഒന്നായി എരിച്ചു

ഇനി അഗ്നിയുടെ താണ്ഡവം ആണ് .

മിടിപ്പുകള്‍ നില്‍ക്കാത്ത ഒരു ജീവനെ അതില്‍

എന്നേക്കുമായി ഹോമിക്കാന്‍ 

നീ പകരുന്ന നോവുകളുടെ ഹവിസ്സ് ധാരാളം 

മതിയാവും 


ജയലക്ഷ്മി

ഇതു നിനക്കായി

ഇതു നിനക്കായി, കരുതുന്നു ഞാനെൻ
കരളു നൊന്തതിൻ   മധുര ഗീതികൾ

മധുഹര!! നീയെന്നിൽ ചൊരിഞ്ഞ ഹർഷങ്ങൾ

മറവിയിൽ  നിന്നു മായതെ നില്ക്കുന്ന-

പരിലാളനങ്ങൾ, ചെറു പിണക്കങ്ങളി -
ണക്കങ്ങളാക്കിയ പരിഭവങ്ങളും

മതിമറന്നു നാം  നടന്ന വഴിയിലോക്കെയും

വെയിൽചുരത്തിയ പാഴ്നിഴലുകൾ

കളം  വരക്കവേ,ഇന്നിവിടെയീ

വഴിയിലേകയായ് നടന്നു പോകവേ

മറ്റൊരു നിഴൽ  മാത്രമായി ഞാനും

ഒരേ  ഹൃദയതാളവുമായി നാം പങ്കിട്ട

പകലുകൾ രാവുകൾ

സ്മരണകളായി കഴിഞ്ഞുവെങ്കിലും

അവയുണർത്തിയ മധുര മാസ്മര-

നിമിഷങ്ങളിപ്പോഴും കുളിർന്നു നില്ക്കുന്നു

മധുഹര!! നിൻറെ  മുരളിയിൽ ചേർ-

ന്നൊഴുകുമൊരു ഗീതികയായണെൻറെ നോവുകൾ

 പ്രണയവും മെല്ലെ അവയുണ-
ർത്തിയ പരിഭവങ്ങളും 

ഇതു നിനക്കായി, കരുതുന്നു ഞാനെൻ
കരളു നൊന്തതിൻ   മധുര ഗീതികൾ 

   ജയലക്ഷ്മി

എത്രയോ നാളുകള്‍ക്കു ശേഷം ആണ്
ഇതു പോലെ ഞാന്‍ വരക്കുന്നത് ..............